Ommi Donna

The End

2006-02-01T09:27:00.000Z

Ég nenni þessu ekki lengur...

Mikið bloggað

2006-01-10T13:00:00.000Z

Hæ hæ

Púff hvað maður er búinn að vera duglegur að blogga.
Ég er mjög hissa að vera á hættu að detta út af linkalista hjá þessum!!!

Annars er gott að frétta, íbúðin væntanleg föstudaginn 13.
Þá hefst vinna 24/7 að koma henni í stand, iðnaðarmaðurinn er klár og bíður spenntur.
Stefnt að flutningi viku til 10 dögum eftir afhendingu.
Útsölur eru góðar.

Jón Ingi er alltaf jafn hress, verður alltaf líkari og líkari pabba sínum.

Árið 2006 verður árið þegar hlutirnir gerast:
Ný íbúð - Sandvað 3 verður
Nýr bíll - alveg kominn tími á Opelinn
2. ára brúðkaupsafmæli
Spánn - 17.júní með Gunna og Saló
Florida - 4. ágúst með stórfjölskyldunni úr Brekkó
Jón Ingi 1 árs
Sigurrós Hafsól fæðist
Pabbi 60
Mamma 55
Ólöf 35

Samt ekki eins og undanfarin hafi ekki verið viðburðarík
2004 - Brúðkaup aldarinnar
2005 - Jón Ingi

Fullt annað sem ég man ekki núna.

kveðja frá höfuðstöðvum Símans við Ármúla.

Hvað er betra...

2005-11-30T09:18:00.000Z

Hvað er betra en að byrja daginn á tveggja tíma æfingu, horfa á White Man Can't Jump í 14. skipti, magnað þegar Billy treður í leiknum á móti King and Duck, fara í gufu á eftir og byrja svo góðan vinnudag?

Dreymdi mjög skringilega í nótt, get ekki sagt ykkur hvað, hlutir sem gætu gerst fljótlega...

Ég óska Jonna bróður mínum til lukku með tvennu á íslensku vefverðlaununum. Hannaði vef Íslandsbanka.

Tolli, Valdimar Flygering, Einar K. Guðfinnson og kokkarnir.is voru allir í Laugum í morgun.

Það var gott að fara í Stífló í gær í afmæli, alltaf jafn góðar veitingar hjá múttu, Jón Ingi fór á kostum og var sprækur að vanda.

Lunch í dag með gömlum skólafélögum, hlakka til að hitta kappana, Björnin, Skepnan og Slimmi.

Af Best og fleirum

2005-11-29T09:17:00.000Z

Best fór á föstudaginn. Blessuð sé minning hans.

United vann West Ham. Faðir minn heldur með Hömrunum þannig að þetta var tregablandin gleði.

Rooney er besti fótboltamaður í heimi.

Sigur Rós á sunnudaginn, klárlega þeirra stærsta stund. Mínir fyrstu og bestu tónleikar með þeim. Mögnuð upplifun.

Til hamingju með daginn Pabbi. Faðir minn á afmæli í dag. Ekki að sjá að hann sé deginum eldri en 45. Kökur og fleira gott í kvöld í Stífló.

Laugavaktin:
Róbert Wessman - forstjóri
Bjarni Dagur Jónsson - fyrrverandi útvarpsstjarna

Svo að lokum, Jón Ingi sonur minn er fallegasta og besta barn í heiminum.

Keane

2005-11-20T15:10:00.000Z

Keane er farinn! Flaggað var í hálfa stöng á föstudaginn.
Ef rétt reynist að Alex hafi rekið hann þá vil ég Alex burt og það strax. Keane er búinn að vera hjartað í liðinu í 12 og hálft ár og á betra skilið.

Celeb vaktin fyrir vikuna:
Jónína Ben
Einar Þór Daníelsson
Geir Sveinsson

Ég óska Hörpu og Hauk til lukku með Sigurrós Hauksdóttur.

Giggs

2005-11-17T21:41:00.000Z

Muniði eftir þessu?

Afmælisþáttur Sýnar minnti mig á þessa stund, flottasta mark sem skorað hefur verið, gæsahúð, gæsahúð gæsahúð.

Annað, það eru fáir betri að lýsa en Höddi Magg, snillingur!

Annað, setning sem gleymist seint: "hann er búinn að fullkomna þetta"

Feðgarnir

2005-11-17T20:04:00.000Z

Við erum tveir heima feðgarnir og höfum það mjög gott. Jón Ingi er eins og engill og horfir á Bachelorinn með pabba sínum. Eftir Piparsveininn ætlum við að horfa á Ástarfleygið. Fínt kvöld framundan. Hann fer að verða þyrstur, ég er að hita vatn í þurrmjólk. Svo ætlar hann að lúlla meðan ég þarf að vinna.

Var brjálaður í hádeginu í dag, kominn í Laugar og búinn að fara úr öllu þegar ég komst að því að stuttbuxurnar höfðu gleymst, taldi upp á 10, klæddi mig og fór aftur í vinnuna.

Idolkvöld á morgun í Galtalind, matur og spil. Uppskrift að góðu kvöldi.

Tarantino

2005-11-15T15:10:00.000Z

CELEB í Laugum

Þetta er alvöru Celeb, mætti kallinum á leið inn í búningsklefa.
Þar inni var svo kapteinninn á Ástarfleyginu og mátti sín lítils í Celebsamanburði við leikstjórann.

Æfingin var góð og ég yfirgaf Laugar með bros á vör...

Helgin búin

2005-11-13T23:25:00.000Z

Föstudagur
Idol

Laugardagur
Heima um daginn með Jóni Inga, mamma hans var á flakkinu.
Um kvöldið fórum við Hildur út að borða og svo á kaffihús. Mjög huggulegt. Jón Ingi fór í pössun hjá Ásu Hrönn og var mjög stilltur.

Sunnudagur
Sofið fram yfir hádegi, já ég á 3. mánaða gamalt barn!
Fórum í kaffi í Stífluselið um daginn.
Eddan um kvöldið og góður matur, Sylvía Nótt er snillingur, mjögg gott að fá ferskan aðila inn í þetta sem talar beint út
Á morgun er svo ný vinnuvika og átakið heldur áfram, taka vel á því.

Celeb vaktin í Laugum

2005-11-12T00:06:00.000Z

Hagnaðurinn var með skemmtileg blog síðasta sumar um celeb sem komu á Austurvöll í hédeginu. Hann spurði mig í dag hvaða celeb væru í Laugum, þá datt mér í hug að skella þessu hér inn svo fólk fái nasasjón af því hvaða fólk ég er að umgangast í hádeginu á virkum dögum þegar ég svitna í Laugum.

Celeb listi síðustu viku:
Kristján Arason - Handboltakempa
Lúðvík Bergvins - Alþingismaður
Ari Edwald - Framkvæmdastóri SA
Eva Magnúsdóttir - Uppýsingafulltrúi Símans
Finnur Árnason - Forstjóri Haga
Dr. Gunni - Tónlistarmaður
Stefán Hjörleifsson - Nýdanskur
Guðmundur Steingrímsson - misheppnaðasjónvarpsþáttastjórnandi

Það mun svo spennandi listi koma strax eftir helgi.

Átakið gengu annars vel. Vikan verið þétt en ég passa mig að fara ekki of geist af stað.

Nú er ég kominn í langþráð helgarfrí sem ég mun njóta vel með fjölskyldunni.

Lakers á eftir, efast um að ég nái að halda mér vakandi... en Kobe er heitur, djö maður. Svei mér þá ef Lakers verða ekki meistarar.

Átakið...

2005-11-09T22:49:00.000Z

Er í átaki. Stefnan er á morgnana en hef hádegið upp á hlaupa. Hingað til hefur það verið hádegið. Helv. erfitt að rífa sig framúr á snemma, sérstaklega þegar unnið er fram eftir kvöldi. En þetta gengur vel hingað til, ekkert nammi og ekkert gos. Nammidagur á laugardögum. Borða passlega og ekkert nart milli mála. Þetta þýðir að ég er svangur allan daginn...
Markið er sett hátt og þarf mikinn sjálfsaga og þolinmæði til að ná settum markmiðum.

Jólin eru á næsta leyti og þegar þau eru komin þá verð ég við það að flytja í nýja íbúð, það verður gaman.

Ætla að tónleika 27. nóv næstkomandi, Sigurrós í Höllinni. Hef ekki oft farið á tónleika á Íslandi, þetta eru líklega tónleikar nr. 2 hjá mér af þessari tegund. Hinir voru Metallica, maður er ekki beint þessi tónleikamaður, eins og það hafa nú margar góðar komið á undanförnum árum. Ég er ennþá að bíða eftir að Queen komi.

Síminn - hjálpar þér að láta það gerast.

Helgin

2005-11-07T00:25:00.000Z

Föstudagur
Vinna til 8
Idol
Sofnaði 11 í fötunum, rankaði við mér kl. 4 og vissi hvorki hvar ég var né hvað klukkan væri...

Laugardagur
Vinna til 4
Smáralind
Matur í Stífló
Kvöldstund með Jóni Inga

Sunnudagur
Sofa út
BlackBerry redding
United-Chelsea, hörkuleikur, heppnir að halda þessu en sætur sigur, það er bara einn Darren Fletcher!
Rólegheit um kvöldið með fjölskyldunni

Framundan er enn ein vinnuvikan, nóg framundan.
Heilsurækt tekin föstum tökum, ekkert væl lengur um að hafa ekki tíma.

Ég á fallegasta og besta son í heimi.

Love you.
WACC

Skömm!

2005-10-30T21:43:00.000Z

Í fyrsta skipt á ævinni skammast ég mín fyrir að vera United maður. Samansafn af miðlungsmönnum. Það eru 1-2 sem eiga heima í þessu liði. Svo er kallinn í brúnni löngu kominn yfir sitt besta. Það er þörf á breytingum. Ferguson burt.

Bústaður um helgina á Hellu, mjög gott, allt of fljótt áð líða.

Það styttist í næsta sumar, þá verður gaman.

Að byggja...

2005-10-25T22:34:00.000Z

Nú veit ég hvernig mönnum sem er að byggja líður! Það er sko ekkert ókeypis í veröldinni get ég sagt ykkur.

Við Hildur erum búin að ganga frá flestu í tengslum við íbúðina og bíðum spennt eftir að fá afhent. Vonandi rétt eftir áramót. Búið er að velja allar innréttingar(breyttum einhverju við felstar), kaupa flísar á gólf og baðherbergi, kaupa sófasett, færa til rafmagnstengla, færa ofna, velja eldhústæki, velja blöndunartæki.

Reykásinn er seldur þannig að það er allt eins og það á að vera (eins og segir í Sálarlaginu).

Varð að bæta einu við: Liverpool heldur áfram að brillera í deildarbikarnum á Englandi, þeir eru án efa besta liðið í Evrópu í dag.

Kvennafrídagurinn var skrípaleikur frá upphafi til enda.

Sudoku er afbragðs afþreying, ég er að verða nokkuð sleipur. Verð þó örugglega aldrei jafn góður og Hagnaðurinn, þvílík hógværð!

X-D til sigurs. Vilhjálm sem borgarstjóra og Hönnu Birnu sem forseta borgarstjórnar.

kv. Darren Fletcher

Hamingjuóskir

2005-10-16T23:15:00.000Z

Vil nota tækifærið og óska Geir Haarde til hamingju með rússnesku kosninguna til formanns. Einnig Þorgerði Katrínu með varaformannsembættið.

Einnig óska ég landsmönnum öllum velfarnaðar í komandi vinnuviku.

Helgin var fljótari að líða en nokkru sinni fyrr. Vinna á laugardag og matarboð um kvöldið hjá DR. Gunna og Saló. Frábært kvöld sem endaði vel...
Í dag var svo afmæli hjá Saló og svo matur í Brekkó þar sem boðið var upp á kalkún a la Bagga. Virkilega ljúft, takk fyrir mig.

Helgin s.s. búin og vinna á morgun. En ég er að fara til útlanda 17. júní þannig að ég bíð spenntur og hef eitthvað til að hlakka til.

Gaman að segja frá því að við fórum á föstudaginn og völdum innihurðir, eldústæki, blöndunartæki o.fl. fyrir Sandvaðið. Það styttist í þetta allt og byggingaraðilar eru á áætlun. Ef allt gengur eftir þá erum við að flytja í byrjun janúar. Það er styttra en maður heldur, besta mál og við bíðum spennt. Jón Ingi er sérstaklega spenntur að flytja og fá sérherbergi þar sem hann og pabbi geta leikið.

It is a small step for one man, but a giant leap for mankind.

Almenn leiðindi

2005-10-13T23:48:00.000Z

Ykkur sem vantar hugmyndir að firringu, vitleysu, bulli, biturleika, leiðindum,veruleikaskorti, hroka og öðru sem kemur manni í vont skap og eru almenn leiðindi, endilega kíkið á þetta...

http://www.xd.is/xd/frettir/?cat_id=30172&ew_0_a_id=160296

Nokkur gullkorn:
Allir tilheyra landsfundarfulltrúar einum og sama flokknum, en samt eru þeir svo ólíkir, að betri þverskurð hins íslenska þjóðfélags finna menn naumast annars staðar. Einmitt!!!

Má reyndar furðulegt heita að íslenskir vinstri menn með alla sína klofningsreynslu skuli ekki hafa náð að verða fyrstir til að kljúfa atómið, löngu áður en stórveldunum tókst það með ærnu erfiði. Alltaf jafn fyndinn!!!

Zico líkir Rooney við Pele

2005-10-13T23:43:00.000Z

Vildi bara benda ykkur á þetta. Zico hefur alltaf verið hetjan mín sem knattspyrnumaður og hann er ekki vanur að segja neina vitleysu.

http://www.mbl.is/mm/enski/frett.html?nid=116329

Skiluru

Góður dagur...

2005-10-12T23:05:00.000Z

Skemmtilegur dagur í dag.
Hitti Geir Ólafs og við ákváðum að fara af stað með nýtt show á Broadway. Hann sér um sönginn en ég verð svona listrænn stjórnandi og kem inn í nokkrum lögum sem dansari.
Þegar ég kom heim sá ég bréf þar sem mér var tilkynnt að ég hefði unnið í lottói í Hollandi. Frábært, eina sem ég þurfti að gera er að gefa upp kredidkort eða bankanúmer. Ég gaf upp bæði til að þeir hefðu úr nógu að velja. Er ekki ennþá búinn að ákveða hvað ég mun gera við peninginn, kaupi mér kannski fallega vettlinga eða kannski bland í poka.
Á morgun stefni ég á að fara til Færeyja og kynnast menningu landsins, sækja jafnvel um vinnu sem blaðamaður hjá færeyska fréttablaðinu.

Drasl

2005-10-10T22:53:00.000Z

Þetta er drasl.

Er að lenda í því annað skiptið að texti sem ég hef skrifað inn eyðist þegar ég pósta. Drasl. Ekki beint hvetjandi til að skrifa. Þetta er samsæri.

5 useless things

2005-10-03T22:19:00.000Z

1. Ég pissa sitjandi!

2. Ég get ekki slakað á, er með ótal kæki og er líklega með ofvirkan skjaldkirtil.

3. Ég get ómögulega borðað mat með puttunum og þoli ekki að vera klístraður á höndunum.

4. Ég þoli ekki íslenska raunveruleikaþætti, kjánahrollur úff! Piparsveinninn, Djúpi pollurinn o.s.frv.

5. Ég skæli eins og smákrakki yfir íþróttamyndum sem enda á því að góða liðið vinnur. Mystery Alaska (ég gæti dáið þegar Burtarinn byrjar að klappa), Remember the Titans (Need I say more), Lukas (classic)

Takk

2005-09-28T23:26:00.000Z

Vikan sem leið

Mánudagur
Unnið til hádegis og farið síðan til Keflavíkur. Ferðinni heitið til London á námskeið hjá RIM. Ferðin gekk vel, með í för voru 4 vinnufélagar. Komum á hótelið um 9 leytið. Ef þið þurftið einhvern tíma að gista á hóteli við Heathrow. EKKI fara á Thistle Hotel. Skítugt, vond lykt, ekkert heitt vatn, léleg þjónusta, internet virkar ekki, í alla staði viðbjóðslegt.

Þriðjudagur
Námskeið í Egham frá 9-4. Þá var skroppið til Staines sem er næsti bær við og verslað aðeins. Um kvöldið var matur í boði RIM. Við félagarnir tókum hressilega á því og sýndum bretum, kanadamönnum, rúmenum, svíum og fleirum hvernig ætti að skemmta sér.

Miðvikudagur
Annar dagur námskeiðs. Um kvöldið héldum við á Oxford Street og versluðum aðeins, ég fann helling á Jón Inga og Hildi. Um kvöldið hittum við vinnufélaga sem var á ráðstefnu í London. Rólegt kvöld og snemma í háttin.

Fimmtudagur
Námskeiðið kláraðist um 13. Fórum þá til Staines og eyddum deginum þar. Áttum flug heim kl 21. Verslað meira og slappað af. Fluginu seinkaði og við vorum ekki lentir fyrr en 0:30. Kominn heim um 3, tók rútuna á BSÍ og síðan taxa þaðan. Tekur aðeins lengri tíma. Það var frábært að koma heim og sjá Jón Inga aftur. Saknaði fjölskyldunnar mikið. Hann var mjög ánægður með United dótið sem ég keypti handa honum.

Föstudagur
Seldum íbúðina daginn áður og ég skrifaði undir tilboðið. Gott að það sé frá. Fengum sanngjarnt verð og allir sáttir. Eftir vinnu var farið í óvissuferð. Fyrst var magadans og síðan var haldið upp í Skorradal þar sem farið var á fjórhjól, klifur, leikir, matur, diskó og karaoke. Ég píndi mig í að taka nokkur lög. Heyrði síðan í dag að Bubbi væri æstur að fá mig í Idolið.

Laugardagur
Sofið út og kúrt í Jón Inga. Brúðkaup um kvöldið hjá Hildu og Bóba. Það var flott veisla og falleg athöfn. Jón Ingi fór í pössun og það gekk mjög vel. United skitu á sig, það kom ekki á óvart...

Sunnudagur
Ekta rólegur dagur með fjölskyldunni. Ég og Jón Ingi skiptumst á að horfa á golf, fótbolta og formúlu. Hann var hrifnastur af golfinu.

Í dag hófst svo löng og ströng vinnuvika. Svarta berið mun eiga hug minn allan næstu vikurnar.

Það er spennandi að fylgjast með Baugsmálinu. Það er einhver sú mesta skítalykt sem til er sem er af þessu máli. Það er á mörkunum að maður hafi áhuga á því hvernig þetta mál mun koma út. En Sjálfstæðisflokkurinn er á bakvið þetta allt. Þetta er eitt stórt samsæri, hinir eru þó ekki alsaklausir. Þetta er ljótt mál sem ég er feginn að tengjast ekki á nokkurn hátt.

Til hamingju Harpa og Haukur með væntanlegan erfingja. Ég treysti á að þið komið með lítinn rauðhærðan Ómar Hauksson.

Barnaland

2005-09-28T23:23:00.000Z

Jón Ingi er kominn með síðu á barnaland.is
Þar mun móðir hans sjá um að setja inn myndir og fleira um hann. Hún verður duglegri við að uppfæra en pabbi hans.

Jón Ingi Ómarsson

2005-09-13T00:14:00.000Z

Sunnudaginn 11. sept var litli ponsinn okkar skírður. Skírnin var í Stífluseli 1, æskuheimili föður hans. Valgeir Ástráðsson skírði og skírnarvottar voru Jón Ingi Ólafsson og Ólafur Ingólfsson.
Sama dag áttu Hildur og Ómar 1 árs brúðkaupsafmæli og Ólafur Ingólfsson átti afmæli (38 ára).

Drengurinn fékk nafnið Jón Ingi, í höfuðið á föðurafa sínum. Nafnið kom fólki mjög á óvart og það átti enginn von á þessu. Veislan fór vel fram og var létu gestir vel af henni. Vel var mætt og þóttu veitingar einstaklega góðar í þetta skiptið en þær voru framreiddar af lystakokkunum og ömmunum Helgu og Böggu. Er þeim þakkað vel fyrir sem og öðrum sem lögðu hönd á plóginn varðandi veitingar. Skírnartertan var úr Breiðholtsbakarí og er hiklaust hægt að mæla með því bakarí fyrir viðhafnartertur.

Jón Ingi var hinn prúðasti í veislunni og var ánægður með veisluna og þær gjafir sem hann fékk, bækur, skartgripir, hnífapör, föt, bankabækur o.fl. Sérstaklega ánægður var hann með United búning með öllu tilheyrandi sem hann fékk frá fjölskyldunni á Bergstaðarstrætinu. Hann sagði pabba sínum þetta núna í morgun.

Jón Ingi braggast annars mjög vel, móðir hans hugsar vel um hann og líður þeim mæðginum einstaklega vel saman. Hann er duglegur að fara í heimsókn hingað og þangað með mömmu sinni. Pabba hans finnst alltaf jafn súrt að fara í vinnuna á morgnana og geta ekki verið með honum en pabbanum finnst jafn gaman að koma heim, því Jón Ingi tekur alltaf á móti honum með bros á vör. Hann er mikill kúristi finnst ekkert skemmtilegra en að kúra hjá mömmu og pabba fram eftir morgni um helgar.

Um önnur málefni en Jón Inga verður ekki bloggað að þessu sinni.

Myndir úr veislunni má sjá í myndahlekk hér til hægri.

Allir sem komu í skírina og aðrir sem sýndu okkur fjölskyldunni hlýhug á sunnudaginn eiga bestu þakkir skilið og þið tókuð þátt í að gera daginn ógleymanlegan.

Takk fyrir okkur.
Hildur, Ómar og Jón Ingi Ómarsson

Íbúð til sölu!

2005-08-26T00:23:00.000Z

Til sölu er íbúð í Seláshverfi í Reykjavík. Vel með farin og ágætlega við haldið. Áhugasamir hafi samband við DP Fasteignir.

Ómarsson stækkar og stækkar, fer væntanlega í heimsókn til pabba í vinnuna í næstu viku. Hann bíður spenntur eftir því að sjá hvar pabbi hans ver dögunum.

Heinze rúlar. Ég elska manninn.

Hagnaðurinn er ekki sá sterkasti í Fantasy leikjum þó hann haldi það...

Að finna nafn á barn er engin barnaleikur...

Jessica Simpson er með heila á stærð við sandkorn.

Víkingar eiga ekki skilið að fara í úrvalsdeild ef þeir spila ekki betur en þetta.

Viggó er ekki eins góður þjálfari og margir halda.

Þjálfarinn og fyrirliðinn eiga heiður skilinn fyrir liðshollustu og tryggð, það mættu fleiri taka sér þá til fyrirmyndar.

Ég spá mikið í það þessa dagana hvort að ég eigi að setja Ómarsson í fimleika eða badminton þegar hann verður eldri...

Ommi Donna OUT!

Vinna á ný

2005-08-21T19:14:00.000Z

Þá er maður aftur farinn að venja ferðir sínar í Ármúla 25 á hverjum degi. Erfitt að fara frá krílinu en svona er lífið, það verður að eiga fyrir bleyjum og blautþurkum...
Það er nú svo sem nóg að gera í vinnunni og gott að takast á við þetta aftur. Ég verð að sannfæra nýja eigendur um að halda mér í vinnu þarna.
En þar sem maður er hættur að þjálfa þá er fínt að geta klárað vinnudaginn og farið beint heim til fjölskyldunnar. Strákurinn bíður spenntur á hverjum degi eftir að pabbi sinn komi heim.

Ómarsson dafnar vel, stækkar og stækkar. Hann er að verða mikill selskapsmaður og finnst gaman að fá heimsóknir. Það komu fullt af gestum í vikunni, Óli, Agnes, Þuríður, Anna Björk og Erlingur komu á miðvikudagskvöldið og fyrr um daginn komu Ásdís Rut, Anna Sif og Sunna Jóns. Hann hafði mjög gaman af og er farinn að vera lengur vakandi í hvert skipti núna. Gaman að því. Gunni og Saló koma svo reglulega og heilsa upp á kappann. Honum finnst mjög gaman í göngutúr með mömmu og pabba og sefur mjög vel í vagninum.
Ómarssyni fannst skandall að Ronaldo hafi verið á bekknum á móti Villa, sérstaklega þegar Darren F. er alltaf í liðinu, ég er sammála Hemma Gunna að Darren sé fínn í Reykjavíkurmaraþon en hefur ekkert að gera í eitt besta félagslið Evrópu.

Búinn að segja upp Sýn, fórnaði Meistaradeildinni, en maður lætur ekki bjóða sér Argentína-Brasilía og San Antonio Spurs-Detroit margar vikur í röð. Við erum að tala um sömu leikina endursýnda viku eftir viku.

Nú er strákurinn vaknaður og ég ætla að taka kúkableyjuna. Bið að heilsa ykkur.
Ommi Donna

Blíðan

2005-08-16T17:53:00.000Z

Gaman að skrifa smá pistil þegar maður situr úti á palli í þessu yndislega ágústveðri á Íslandi. Ómarsson er duglegur að nærast, Eddan skoðaði hann í dag og sagði að mamma hans væri með rjóma, hann er búinn að þyngjast vel og er allur hinn hraustasti og alltaf jafn vær og góður. Búið er að ákveða að skíra hann 11. sept, en þá eiga mamma hans og pabbi 1 árs brúðkaupsafmæli. Skírt verður í Stífluseli 1 og mun Valgeir gefa drengnum nafn. Hvert nafnið verður á eftir að koma í ljós, mörg eru til kölluð en aðeins eitt útvalið.

Frétt dagsins (bara fyrir þig Hagnaður) er sú að Vinstri grænir hafa ákveðið að bjóða fram sér í næstu borgarstjórnarkosningum. Gangi þeim vel, þeir gætu hins vegar lent í oddaaðstöðu með sitt 7-10% fylgi. Helvítis kommúnistar og ekkert annað. Þetta mun því miður auka líkurnar á því að íhaldið komist aftur til valda en við sjáum hvað setur.

Fæðingarorlofið styttist hjá mér, þökk sé núverandi ríkisstjórn mun ég hefja störf aftur næstkomandi fimmtudag og ekki taka meira fæðingarorlof með þessu barni, hef einfaldlega ekki efni á því. Fólki sem er nýkomið úr skóla er greinilega ekki ætlað að vera með börnunum sínum.

Fjölmennum svo öll á Laugardalsvöll annað kvöld og sjáum landsleik Íslands og Suður-Afríku. Þau skelfilegu tíðindi bárust hins vegar í dag að Fortune leikmaður Man Utd. mun ekki leika með, mun leikurinn þess vegna ekki hafa sama skemmtanagildi, slík er fimi og leikni Fortune með knöttinn...

Gestur nr. 1000 er vinsamlegast beðinn um að kvitta fyrir sér í commentakerfi, hans bíður þvottavél og þurrkari sem hann getur nálgast hjá Euronics í Smáralind.

Góðar stundir.
Ommi Donna

Sigur í fyrsta leik.

2005-08-13T15:07:00.000Z

Það er búið að vera mikið um að vera hjá Ómarssyni að undanförnu.

Fimmtudagur: Göngutúr í hverfinu og matur um kvöldið í Brekkó.
Föstudagur: Bæjarferð, labbaði Laugaveginn með mömmu og pabba, heimsótti Ömmu sem vinnur í Mál og Menningu. Fór svo í pössun um kvöldið meðan mamma og Pabbi fóru út að borða. Mamma var mjög róleg að setja mig í pössun, var ekkert að drífa sig til mín aftur...
Laugardagur: Fullt af fólki búið að koma í heimsókn, Bergbræður ásamt móður sinni, Haukalindafjölskyldan og Ólafía. Fagnaði sigri í fyrsta leik tímabilsins, 0-2 á móti Everton á Goodison Park. Mikilvægur sigur, var með United smekkinn sem var líklega happa í þessum leik. Erum svo að fara í læri í Brekkó í kvöld.
Nýjar myndir komnar inn.

Kv. Ommi Donna

10 daga gamall

2005-08-10T12:41:00.000Z

Ómarsson er 10 daga gamall í dag. Hann braggast mjög vel og er mjög sterkur strákur (eins og pabbi sinn). Edda ljósmóðir kíkti á hann í gær og skoðaði hann og vigtaði, hún var mjög sátt við hann. Í gær fór hann svo í heimsóknir, fyrst fór hann í mat hjá ömmu og afa í Stífló og eftir það var farið til ömmu og afa í Brekkó. Hann var sofandi nánast allan tímann en leið mjög vel á báðum stöðum, enda staðir sem hann á eftir að verja ófáum dögunum í framtíðinni.
Hann fær heimsóknir reglulega hér í Reykásinn og hefur gaman að því, er reyndar eiginlega alltaf sofandi en hefur samt gaman að því.

Hildi líður mjög vel og er búinn að ná sér mjög vel eftir fæðinguna, hún er ótrúleg í móðurhlutverkinu, eins og hún hafi ekki gert annað.

Til að stytta okkur stundir fór ég í Brekkuval um daginn og fékk nokkrar myndir lánaðar. Var að klára eina, Der Untergang (Downfall) sem fjallar um síðustu daga Hitlers og endalok síðari heimstyrjaldar hjá Þjóðverjum. Mögnuð mynd sem allir verða að sjá, veruleikafirring og geðveiki eru orð sem fara ekki úr huganum þegar horft er á þessa mynd.

Stefnan er að fara með Ómarsson í göngutúr í dag og leyfa honum að kynnast ekta íslensku sumarveðri, skýjað og 10-13 stiga hiti!

Svo minni ég á myndalinkinn hér til hliðar.

Kveðja, Ommi Donna

Myndir af Ómarssyni

2005-08-08T13:15:00.000Z

Það eru komnar inn myndir af stráknum á síðuna, linkur til hliðar.

Allt gengur vel hjá fjölskyldunni, hann hagar sér eins og alvöru smábarn, sefur og drekkur og gerir lítið annað. Þægilegt líf maður. Að vera Pabbi er yndislegt og maður er svona að átta sig á þessu öllu. Lítið kríli sem lúllar við hliðina á rúminu.

Af öðru má nefna það að það er komið haust á Íslandi, þetta var fínt, við fengum eina góða viku í júlí. Það á að vera hásumar núna en það gæti ekki verið meira haustveður úti. Ég vinn ekki lengur fyrir íslenska ríkið, Bakkabræður og KB eiga Símann.

Seasonið fer að byrja í ensku, United verður meistari. Leiðinlegt fyrir Chelsea hvað þeir eru með slappan mannskap, þetta verður basl hjá þeim. Varamannabekkurinn hjá þeim í leiknum um samfélagsskjöldin var dapur, hvaða menn eru þetta eiginlega? Cudicini, Carvalho,Cole Joe, Geremi, Wright-Phillips, Tiago og Hernan Crespo. Þetta er svipað og bekkurinn hjá United, bara versta að Phil og Kleberson séu farnir!!!

kv. Ommi Donna

Ómarsson kominn heim

2005-08-05T15:55:00.000Z

Ómarsson kom heim til sín í Reykásinn núna í dag. Hann steinsefur ásamt mömmu sinni og þeim líður báðum mjög vel.

Þetta er búin að vera viðburðarrík vika og mjög ánægjuleg. Hófst allt með hríðum á mánudagsnóttina, matarboði lauk um kl. 2 eftir miðnætti og samdrættir hófust milli 3 og 4. Farið var á fæðingardeildina fyrir hádegi á mánudag og þá var okkur sagt að barnið kæmi seinni partinn í dag eða í kvöld. Sú varð raunin og eftir samdrætti og annað sem fæðingu fylgir í ca. 14 tíma kom strákurinn í heiminn kl. 18:49 á mánudagskvöld. Fæðingin gekk ágætlega fyrir sig, svona í rólegri kantinum þar sem þetta er fyrsta barn.

Strákurinn var á vökudeild í tvær nætur þar sem hann náði ekki að losa sig við allt vatnið úr lungunum í fæðingunni. Hann var útskrifaður þaðan á miðvikudag og voru hann og mamma hans á sængurkvennadeild þar til í dag að þau komu heim. Hann var baðaður og læknir skoðaði strákinn áður en hann fór heim og var ánægður með hann og sagði að hann væri mjög duglegur og hraustur strákur.

Pabbi var hjá þeim alla dagana og var einstaklega vel hugsað um okkur öll meðan við vorum þarna. Starfsfólk vökudeildar og fæðingadeildar er einstakt og kunnum við fjölskyldan þeim bestu þakkir fyrir.

Nú tekur lífið við og mun litla fjölskyldan í Reykásnum njóta lífsins.

Kv. Ommi Donna

2005-08-03T22:54:00.000Z

Aðeins að kíkja

2005-08-03T22:38:00.000Z

Ómarsson kominn í heiminn.

01.08.05

2005-08-02T00:18:00.000Z

Dagurinn sem breytti öllu, já rétt er það, í dag mánudaginn 1. ágúst 2005 breyttist líf mitt til frambúðar. Stoltið og gleðin er ólýsanleg.

Ég og hetjan mín Hildur eignuðumst strák kl. 18:49 og vó hann 15 merkur og var 53 cm á lengd.

Að fá drenginn í fangið var tilfinning sem manni hefur dreymt um og rættust þeir draumar í dag.
Hildur stóð sig eins og hetja og ég hef aldrei verið jafn stoltur af henni. Fæðingin gekk vel.

Fer nú sæll og glaður í háttin, munurinn á draumaheimi og draumum er óljós í meira lagi.

Meira síðar.
Ommi Donna

Kaupmannahelgi og fleira...

2005-07-29T16:57:00.000Z

Kominn í helgarfrí. Hætti snemma í vinnunni og ók um bæinn með vöru- og sendibílstjórum og sýndi þeim stuðning í verki. Vonandi tefja þeir sem flesta á leiðinni út úr bænum þessa helgi, þeir ættu eiginlega að vera að alla helgina svo þeim takist jafnvel að eyðileggja helgina fyrir almenningi sem án efa á alla sök á hækkun olíugjalds.

Setti inn tvo linka á hressa og duglega bloggara, Hagnaðinn og Hörpuna en þau dveljast nú þar sem ég dvaldist áður fyrr. Fínasta fólk. Svo er náttúrulega linkur á Símann en það fyritæki borgar mér laun mánaðarlega fyrir hin ýmsu störf.

Um helgina verður margt skemmtilegt gert, matarboð/spilakvöld hjá Galtalindarparinu í kvöld (Gunni og Saló), Sólrún mætir líka á svæðið, ég stefni á öruggan sigur í afrísku rommý í kvöld. Á morgun verður eitthvað dundað með Hildi. Á sunnudaginn er stefna sett á golf með doktornum og fyrrverandi landsliðsmanninum og síðan um kvöldið verður snætt með þeim ásamt mökum. Mánudagurinn verður síðan fínn fyrir afslöppun og fleira.
Svo er aldrei að vita nema krílið komi í heiminn, það getur nú gerst hvenær sem er.

Góða skemmtun um helgina.
Ommi Donna

Síminn

2005-07-28T23:09:00.000Z

Þá er búið að opna tilboð í Símann og allir geta andað léttar. Hrognsalarnir frá Bakka verða aðaleigendur ásamt fjármálastofnuninni sem stendur á barmi gjaldþrots, BK Banka.
Það lítur því út fyrir að ég verði með sama forstjórann áfram. Ég verð líklega mjög upptekinn næstu daga á fundum með Bakkabræðrum og Hreiðari að fara yfir hvernig þetta muni allt ganga fyrir sig.
Allt saman mjög gott mál og spennandi tímar framundan.

Rúmið málað í gær og Bangsímon myndirnar komnar á sinn stað. Ungu hjónin eru að verða klár í þetta allt saman. Miklar vangaveltur eru um hvort kynið sé um að ræða og sýnist sitt hverjum. Við Hildur erum á sitthvorri skoðuninni þannig að annað okkar mun hafa rangt fyrir sér Hildur mín.
Það er þó ekki aðalmálið eins og við vitum öll, en alltaf gaman að spá í þetta.

Ég er að hugsa um að fara í frí á næsta ári með fjölskylduna, fara í tjaldútileigu til Ísrael og hlekkja mig við vinnuvélar á Vesturbakkanum... gaman fyrir krakkana að vera í tjaldi með mömmu og pabba sem eru að mótmæla einhverju sem kemur þeim ekki við.

Nóg um þetta í bili, farinn í háttinn, það er kominn föstudagur og þessi vika var jafn fljót að líða og aðrar í sumar. Ekki oft sem maður bíður eftir haustinu.

Bless í bili
Ommi Donna

Skoðun

2005-07-27T16:20:00.000Z

Jæja það styttist í krílið. Skoðun áðan og allt eins og það á að vera.
Sléttar 39 vikur komnar í dag, 1 vika eftir og svo fer maður að telja dagana. Spennan fer heldur betur að magnast. Búinn að mála barnarúmið og allt að verða klárt.
Verslunarmannahelgin framundan og það verður lítið farið þessa helgi, mesta lagi einn golfhringur.
Góða veðrið virðist vera á undanhaldi og er það miður, sérstaklega þegar unnið er inni við skrifborð í kjallara Ármúla 25.

Verð að minnast á mótmælendur við Kárahnjúka, taka þetta lið og skjóta það... Hefur þetta lið ekkert betra að gera!
Ef einhver myndi hlekkja sig við bílinn minn þá myndi ég gefa í.

kv. OmmiDonna

Kominn aftur

2005-07-26T16:03:00.000Z

Hæ
Nýtt blogg hjá duglegasta bloggara landsins, margir áttu erfiða daga þegar OmmiDonna tók sér frí frá blogg skrifum í september 2002. Hann hefur hins vegar ákveðið að taka til við skriftir aftur.
Ýmsar ástæður liggja að baki en þó þær helstar að Hagnaðurinn er rauðhærður og Ingibjörg Sólrún er orðinn formaður Samfylkingarinnar.

Ég á von á barni 3. ágúst og er vægast sagt spenntur fyrir því. Hildur stendur sig eins og hetja og er ég mjög stoltur af elskunni minni.

Þangað til næst
OmmiDonna